web analytics

ཁོར་ཡུག་ཟིན་བྲིས།

བོད་ཡུལ་སྐྱེ་ཁམས་ཐེབས་རྩ་ཚོགས་པའི་ཟིན་བྲིས།

རྒྱུན་པར་ཆུའི་ཐོན་ཁུངས་གྲོན་ཆུང་བྱ་ཐབས།

རྒྱུན་པར་ཆུའི་ཐོན་ཁུངས་གྲོན་ཆུང་བྱ་ཐབས།

1. ཁ་ངོ་་སོ་བཀྲུ་ལུས་ཁྲུས་ཀྱིས་འདག་རྫས་བཀོལ་སྐབས་ཆུ་སྒོ་བསྒག་པ།

2. རང་འབབ་ཆུ་སྦུག་ལས་ཆུ་ཟགས་ན་དུས་ལྟར་ཞིག་གསོ་བྱེད་པ།

3. རླངས་འཁོར་བཀྲུ་བྱེད་ཆུ་འཁོར་རྒྱུག་བེད་སྤྱོད་བྱེད་པ།

4. ལྭ་བ་བཀྲུ་སྐབས་ལག་པས་ལྭ་བ་བཙུར་ནས་ཆུ་བཤལ་རྒྱག་པ།

5. ཚོད་མ་བཀྲུ་སྐབས་ཆུ་སྣོད་དུ་བཀྲུ་བ། ཉ་གསོ་སྤྱད་ཀྱི་ཆུ་དང་འབྲས་བཀྲུ་སྤྱད་ཀྱི་ཆུ་མེ་ཏོག་ནང་དུ་བླུགས་ན་མེ་ཏོག་སྐྱེས་སྟོབས་ལ་ཕན།

6. སྣོད་ཅ་ལག་བཀྲུ་སྐབས། སྣུམ་མང་པོ་ཆགས་ཡོད་ཚེ་ཐོག་མར་ཤོག་བུས་ཕྱིས་རྗེས་ད་གཟོད་བཀྲུ་དགོས།

7. འབྲས་བཀྲུ་སྤྱད་ཀྱི་ཆུ་དང་ཐུག་ཁུ། ཇ་ལྷག་བཅས་ཀྱིས་སྣོད་ཅ་ལག་བཀྲུ་ན་སྣུམ་དག་པ་མ་ཟད། ཆུ་གྲོན་ཆུང་བྱ་ཐུབ་ལ་དག་རྫས་ཀྱི་སྦག་བཙོག་ཇེ་ཉུང་དུ་གཏོང་ཐུབ།

8. ཆབ་གཞོང་ནང་ཟས་ལྷག་གམ་དངོས་པོ་ལྡུག་མི་རུང་། དངོས་པོ་དེ་དག་ཆུས་བཤལ་ན་ཆུ་མང་པོ་ཆུད་ཟོས་བྱེད་པ་མ་ཟད་སྦུག་ལམ་འགག་པའི་ཉེན་ཁའང་ཆེ།

9. གྱོན་ཆས་དང་སྔོ་ཚོད། ལུས་བཀྲུས་པའི་ཆུ་བསོག་ནས་ཆབ་གཞོང་བཤལ་ན་ཆོག

10. དགུན་དུས་ཕྱི་རོལ་གྱི་ཆུ་སྦུག་གད་པར་མཉམ་འཇོག་བྱ་དགོས།

11. གྲོང་ཁྱེར་དུ་སྡོང་འཛུཊ་ནགས་སྐྲུན་བྱས་ཏེ་རྒྱ་ཁྱོན་ཆེ་བའི་རྩྭ་ཐང་འཐུས་ཚབ་བྱ་དགོས།

12 .གཞིས་ཆགས་ཁུལ་དུ་ཐུན་མོང་གི་ཁྲུས་ཁང་དང་ཆུ་བསྐོལ་ཁང་ལས་རིན་གོང་འཛིན་བྱང་གིས་ལུས་བཀྲུ་དང་ཆུ་ལེན་སོགས་བྱེད་དགོས།

13. གྲམ་པ་དང་མཚེའུ་ནང་དུ་གད་སྙིགས་མི་འཕེན་པ་དང་། གློག་རྡོ་གང་སར་མི་འཕེན་པར་རང་བྱུང་གི་ཆུའི་ཐོན་ཁུངས་ལ་སྦགས་འགོག་བྱ་དགོས།།

རྒྱལ་ཐང་གི་སྒྲ་རྩ་ཡུལ་ཚོའི་གཏེར་སྙིགས་ཤོར་བ།

རྒྱལ་ཐང་གི་སྒྲ་རྩ་ཡུལ་ཚོའི་གཏེར་སྙིགས་ཤོར་བ།

སྤྱི་ཟླ་བཅུ་བའི་ཚེས་༢༠ཉིན་ལ་རྒྱ་ནག་གི་ཝེི་པོའམ་(Weibo)པོད་ཕྲན་སྟེང་དུ་གནས་ཚུལ་སྤེལ་བ་ཡིན་ན། གཏེར་ལས་ཀྱི་ཆུ་སྙིགས་ཤོར་ནས་རྒྱལ་ཐང་གི་སྒྲ་རྩ་ཡུལ་ཚོའི་བོད་མི་རྣམས་ཀྱི་སྒོ་ཕྱུག་སེམས་ཅན་ཤི་ཡོད་པ་དང་། ད་ལྟ་མིའི་བདེ་ཐང་ལ་སེམས་འཚབ་བྱེད་བཞིན་པ་རེད།

ས་གནས་དེ་ནས་རྒྱུན་རིང་ལ་གཏེར་ཁ་བསྔོགས་ཏེ་པའི་རྗེས་སུ་ཟླ་ཤས་སྔོན་ལ་གཏེར་གྱི་སྙིགས་རོ་གསོག་སའི་ཆུ་རག་ཤོར་ཏེ། གྲོང་ཚོའི་སྡོད་མའི་ཁང་ཁྱིམ་གྱི་སྒོ་འགྲམ་ལ་བཞུར་ཡོད་པས་བཙོག་ཆུ་ཤོར་ཡོད་པ་ཤེས་འདུག གཏེར་གྱི་སྙིགས་རོ་གསོག་སའི་ཆུ་མཛོད་དེ་སྐྱིལ་ནས་ཟླ་གསུམ་ལས་འགོར་མེད་ཀྱང་། ད་ལྟ་སྦགས་བཙོག་ཤོར་ཡོད་པའི་ཆུ་དེ་སྙིགས་མཛོད་པས་ཤོར་དེ་མི་ལ་ཡང་གནོན་པ་ཆེ་ཚུལ་བཤད་འདུག

ཤེས་དགའ་སྲུང་གསུམ་ལས་ཁོར་ཡུག་སྲུང་མདོར་ཙམ་གླེང་བ།

ཤེས་དགའ་སྲུང་གསུམ་ལས་ཁོར་ཡུག་སྲུང་མདོར་ཙམ་གླེང་བ།

ཀིར་སྒར་ཕུན་ཚོགས།

ལྷོ་འཛམ་བུ་གླིང་གི་འཚོ་གནས་ཀྱི་ཁ་དོག་དང་ནུབ་བ་གླང་སྤྱོད་ཀྱི་བསམ་སློབ་ཀྱི་ང་རོ། དེ་རིང་གི་ཁོར་ཡུག་རེ་དང་དེ་རིང་གི་མི་རེ་རེའི་གནས་མལ་སྤྱོད་གསུམ་གྱི་ཟིན་ཐོའི་རྒྱུ་ཆ་རུ་བཀོད་ཅིང་། ཆ་འཕྲིན་གོ་ལའི་ཡང་རྩེ་ནས་བདུན་གསུམ་དུས་ཀྱི་ཁད་དང་འགྲོགས་ནས་འཚོ་གནས་ཀྱི་པང་ལ་གླན་ཞིང་། རྫས་དུད་ཀྱིས་ནམ་མཁའ་ཡི་དྭངས་ཆ་དེད་ཀྱང་ཁང་བརྩེགས་ཀྱིས་ས་གཞི་མནན་དེ་ས་ཆེན་ཨ་མར་ལྗིད་ཅིག་བཀལ་བའི་དེ་རིང་དང་དེ་རིང་གི་སྤྱི་ཚོགས་ཀྱི་དེ་ཉིད་ལ། ཤེས་ཡོན་ནི་མིའི་འཚོ་བ་ཅན་གྱི་རང་བཞིན་དུ་བསྟར་བའི་མི་རབས་གསར་བའི་སློབ་གསོ་དང་ལྟ་སྟངས་ཀྱི་ཁ་ཕྱོགས། འགྲོ་འདུག་གིས་དེང་གི་སྤྱི་ཚོགས་དང་ཁོར་ཡུག་སྒུལ་ལ། དེ་རིང་གི་སྤྱི་ཚོགས་ནི་ཚན་རྩལ་གོ་ལ་ཅན་དང་དཔལ་འབྱོར་འཚོ་གནས་ཅན། ཆབ་སྲིད་དམངས་གཙོ་ཅན་དང་ལྟ་བ་སྣ་ཚོགས་ཅན། ལམ་འགྲོ་འགྲིམ་འགྲུལ་ཅན། བྱ་བའི་ལས་རིམ་དང་གོ་གནས། རྒྱུད་ལག་དང་མིང་བྱང་ལ་འབྲེལ་ཆེན་པོ་ཅན་དུ་འགྱུར་བའི་འུར་ཚ་བའི་དེ་རིང་གི་སྤྱི་ཚོགས་ཀྱིས་དེ་རིང་གི་ལྟ་གྲུབ་མཐོང་སྣང་བདེན་ཞེན་གྱི་ཚི་དྲིས་འཐུམ་འདུག

རིན་ཐང་ཡལ་མེད་ཀྱི་གླེགས་བམ་རི་བོའི་གཏོས་བཅས་ཀྱི་ཨི་ཐི་བའི་རྟེན་འབྱུང་གི་བདེན་ལུགས་དང་རྒྱུ་འབྲས་ཀྱི་འཁོར་ལོ། སྐྱེ་བ་ཕྲེང་རྒྱུད་ཀྱི་བསམ་སློབ་ཀྱི་རིན་ཐང་གི་དངོས་པོ་ལ་བློ་མིག་ཞར་ལ་ཤེས་ཡོན་གྱི་ཧོལ་རྒྱུགས་སམ་ལང་ཚོའི་ཧོལ་རྒྱུགས་ཀྱི་ཀི་སྒྲ་མཐོ་ཞིང་སྤྱི་ཚོགས་དཀྲོག་བཞིན་པ་དང་། རིག་གནས་དཔལ་འབྱོར། ཆོས་ལུགས་་དང་ཆབ་སྲིད། ཐོན་བསྐྱེད་དང་ལག་རྩལ།དྲྭ་ལམ་དང་གསར་འགྱུར། རྒྱུད་ལག་དང་མིང་བྱང་། འཚོ་ཐབས་དང་སློབ་གསོ་སོགས་བློ་ངོར་ཤོང་དཀའ་ལ་ཧང་སངས་བར་གྱུར་བའི་འགྱུར་བ་འདྲ་མིན་སྣ་ཚོགས་འཕོ་འགྱུར་བྱུང་དང་འབྱུང་བཞིན་པའི་རྣམ་པ་མངོན་དུ་གྱུར་བ་སྐབས་འདི་ལྟར་ལགས་སྟེ། དེ་ལས་གླེང་དགོས་པ་དང་། ཤོབ་འདོད་པ་ནི། མྱི་ཡང་མྱི་ཡིན་པའི་གཤིས་ཀ་ནས་འགྱུར་སོང་བས་ཀ་ངོ་ཡིག་ངོ་རེ་ཟིན་པ་ནས་མིག་དཔེ་ཕྱི་གླིང་དང་བསམ་བློ་བཅིངས་གྲོལ། དུས་དཔེ་བབ་བསྟུན། ལས་རིམ་གང་དང་གང་ཡིན་ན་གསར་གཏོད་ཀྱི་ལམ་དུ་འགྲོ་དགོས་པ་དང་། གསར་བ་ལ་ཡིད་སྨོན་དང་མིག་དཔེ་འཛིན་དགོས་པ་ལས་རྙིང་བ་དོར་དགོས་ལ། ཕ་མེས་ཡང་མེས་ཀྱི་སྲོལ་རྒྱུན་འགྲོ་འདུག་སྤྱོད་གསུམ་དང་བོད་ནང་བསྟན་རིག་པ་དག་ནི་མི་རིགས་འཕེལ་རྒྱས་དང་བྱ་བའི་བཀག་རྡོ་ཡིན་སྐད་སྒྲོགས་པ་བཞིན་པ་དེ་ཡིན།

དེ་ལ། སྲོལ་རྒྱུན་རིག་གནས་ནི་དེང་རབས་རིག་གནས་ཀྱི་མ་ཡུམ་ལྟ་བུ་ཡིན། དཔེར་ན། བདེ་སྐྱིད་ཀྱི་བདེ་སྐྱིད་ནི་ནང་བསམ་པའི་དཔལ་ཡོན་ལ་ངོས་འཛིན་གནང་བ་དེ་ཡང་བོད་ཀྱི་སྲོལ་རྒྱུན་རིག་པའམ་བོད་རྒྱུད་ནང་བསྟན་རིག་གཞུང་གི་དྲོད་ཁོལ་ཡིན། དེ་ཡང་། རྒྱ་ནག་གི་མཁས་པ་ཆེན་པོ། ཁུང་ཙིས་ཀྱང་། “རྙིང་བ་བསྐྱར་དུ་སྦྱངས་ན་གོ་བ་གསར་དུ་ལོན་ཐུབ་”ཅེས་གསུངས་དང་། ཁ་རྒྱུགས་ཀྱི་གཏམ་དཔེ་ལ། “ལོ་རྒྱུས་རྙིང་བ་ལས་ངེས་ཤེས་གསར་བ་སྐྱེས།” ཞེས་ཟེར་བ་བཞིན་དེ། དོན་ངོ་མར་མདོར་བསྡུས་ནས་བཤད་ན་བོད་ཀྱི་སྲོལ་རྒྱུན་རིག་གནས་ལ། ༡་ སྐྱེ་འགྲོ་བདེ་སྐྱིད་ཀྱི་དགེ་མཚན། ༢་ འཛམ་གླིང་ཞི་བདེ་ཡི་དགེ་མཚན། ༣་ ནང་བསམ་པའི་དཔལ་ཡོན་འཕེལ་རྒྱས་ཀྱི་དགེ་མཚན། གང་ལྟར། བདེ་བ་འདོད་ཀྱང་སྡུག་བསྔལ་མི་འདོད་པའི་འགྲོ་བ་སུ་ལའང་མེད་དུ་མི་རུང་། དེ་ཡང་། ཡང་ས་ཡང་ས་ཡིན་པ་དང་སའི་གྲུབ་སྟངས་ལས་བསྒྱུར་བའི་ཉེན་ཁ་ཅན་ནམ། ཚབ་ཆེན་གྱིས་གནས་ཚུལ་ནི་ལ་ལུང་གི་རི་སྒང་གི་ཁོག་པ་བྲུས་ནས་གཏེར་ཁ་རྔོག་འདོན་བྱེད་པ་དང་བྲག་གཏོར་ནས་བཟོ་གྲྭ་བཟོ་བ། ལ་ལུང་གི་རི་ཐང་དང་མཚོ་ནང་སོགས་ལ་གད་སྙིགས་འདྲ་མིན་གཏོར་ནས་ཁོར་ཡུག་ལ་སྦགས་བཙོག་དང་མཁའ་དབུགས་མི་གཙང་བ་བཟོས་ཀྱིན་པ་དེ་རེད། དེ་ན་ཁོར་ཡུག་སྲུང་སྐྱོབ་བྱེད་རྒྱུ་ནི་ཧ་ལས་པའི་གལ་ཆེན་པོ་ཡིན་སྟབས་ཤེས་དགའ་སྲུང་གསུམ་ལས་ཁོར་ཡུག་སྲུང་བ་དང་སྐྱོབ་རྒྱུ་གལ།

དེ་ན། དང་པོ་ཤེས་ཞེས་པ་ལས་འཛམ་གླིང་གོ་ལ་ཟླུམ་པོ་སྟེ། རང་བྱུང་ལྷུན་གྱིས་གྲུབ་པའི་མཛེས་སྡུག་གི་གངས་རི་དང་། བརྗིད་ཆགས་ཀྱི་རྫ་རི། སྔོ་ལྗང་གི་རྩ་ཐང་། རྫ་ཆུ་དང་གངས་ཆུ། མཚོ་དང་མཚེའུ། ད་དུང་གསེར་དངུལ་དང་ཟངས་ལྕགས། ས་སྣུམ་དང་རྡོ་སྣུམ། མཁའ་དབུགས་སོགས་ཕྱི་སྣོད་ཀྱི་འཇིག་རྟེན་འདི་ཉིད་སྐྱེ་འགྲོ་ཡོངས་ཀྱི་འཚོ་བའི་གཞི་རྟེན་ཡིན་པ་ངོ་ཤེས་པའི་ཐོག་ནས། ཁོར་ཡུག་གིས་མིའི་རིགས་ཀྱི་རྣམ་རིག་དང་སེམས་ཁམས་ལ་དྭངས་ཆ་བཟོ་བའང་ཤེས་དགོས།

དེ་བཞིན་ཕན་ཚུན་རྟེན་འབྱུང་གི་ལྟ་བས་བསྟན་ཡོད་དེ།  ཁོར་ཡུག་གིས་མིའི་རིགས་དང་བརླན་སྐམ་སྲོག་ཆགས་གང་ལ་གནས་པའི་སྐྱེ་འགྲོ་ཡོངས་ལ་འབྱིན་རྔུབ་ཀྱི་རྒྱུན་ཐག་བསྐྲུན་གྱིན་ཡོད་པ་ཤེས་དགོས། སྐྱེ་ཁམས་སྲུང་སྐྱོབ་ནི་རང་གི་བདེ་སྐྱིད་དང་གཟི་བརྗིད་ཡིན་པ་མ་ཟད་ཁྱབ་ཆེ་ས་ནས་བཤད་ན་འཛམ་གླིང་སྤྱིའི་བདེ་སྐྱིད་ཀྱང་ཡིན་སྲིད་པས་དེ་དག་ངོ་ཤེས་དགོས།

གཉིས་པ། དགའ་ཞེས་པའི་ཐོག་ནས་ཁོར་ཡུག་གམ་སྐྱེ་ཁམས་ལ་བརྩེ་སེམས་དང་དགའ་བ་དགོས་པའི་ཕྱིར་ཏེ། སྐྱེ་ཁམས་ཁོར་ཡུག་གིས་དེང་དུས་ཀྱི་དཔལ་འབྱོར་གོ་ལ་ཅན་དུ་འགྱུར་བའི་སྐབས་འདིར་དཔལ་འབྱོར་འཕེལ་རྒྱས་ཀྱི་ཕྱོགས་ལ་ཤུགས་རྐྱེན་བླ་མེད་འཐེབ་ཀི་ཡོད་པ་དང། ད་དུང་སྨན་སྣ་སྣ་ཚོགས་དང་། འབྲུ་རིགས་སྣ་ལྔ། གནམ་གཤིས་ཀྱི་དྲོ་གྲང་སོགས་ཀྱིས་མིའི་རིགས་ཀྱི་འཚོ་བ་ལ་ཁ་དོག་བསྐྲུན་གྱིན་ཡོད་པས་ཁོར་ཡུག་ལ་དོན་ངོ་མར་དགའ་དགོས། དབྱར་ཁ་སྤྲོ་སྐྱིད་ཀྱི་གླིང་ག་ཡིན་ན། མི་མ་ཟད་བྱ་བྱེའུ་འབའ་འབུའི་སྣང་བ་སྐྱིད་ལ་བསྐུར་སའི་སྣ་བརྒྱའི་མེ་ཏོག་ཡིན་ན་ཁོར་ཡུག་གི་དབང་གིས་གྲུབ་པ་དང་། སྟོན་ཁ་འཚོ་གནས་ཀྱི་ཁ་ཟས་ཡིན་ན། ལ་ལུང་རི་སྒང་དང་འབྲུ་ལྔའི་ཞིང་ཞིང་ས་ཀུན་ནས་འབྲས་ལྗང་རྣམ་པར་བཀྲ་བའང་ཁོར་ཡུག་གམ་སྐྱེ་ཁམས་ལས་ཡོང་གི་ཡོད་པས། ཁོར་ཡུག་གམ་སྐྱེ་ཁམས་དང་མིའི་རིགས་གཉིས་ཀྱིས་ཕན་ཚུན་ལ་དགོས་མཁོ་སྐོང་གི་ཡོད་པས་དགའ་འོས་ལ་དགའ་ཡང་དགོས། ཁོར་ཡུག་ནི་མིའི་རིགས་ལ་བརྟེན་ཡོད་ལ་མིའི་རིགས་ནི་ཁོར་ཡུག་གམ་སྐྱེ་ཁམས་ལ་བརྟེན་ཡོད་པས་ཁོར་ཡུག་ལ་དགའ་དགོས།

གསུམ་པ། སྲུང་ཞེས་པའི་ཐོག་ནས་སྐྱེ་ཁམས་ཁོར་ཡུག་ནི་མིའི་རིགས་ཀྱི་དགོས་དབང་དང་། ད་དུང་ལས་དང་བསོད་ནམས་ལ་འབྲེལ་ཡོད་སྟབས་ལ་ལུང་གང་དེ་སྲུང་ཞིང་གད་སྙིགས་སོགས་གཙང་དག་གམ་བསྐྱབ་དགོས་ཏེ། ༧སྐྱབས་མགོན་ཀིརྟི་རིན་པོ་ཆེ་མཆོག་གི་གསུང་འབུམ་བསླབ་བྱ་སོ་གཉིས་མ་ལས་ “གཏེར་ཁ་སྔོག་འདོན་དང་། ཤིང་ནག་གཅོད་འབྲེག སྨན་སྣ་ཚོད་མེད་འཐུ་བ། རི་སྐྱེས་སྲོག་ཆགས་གསོད་པ། གད་སྙིགས་གང་སར་གཡུགས་ཏེ་སོ་སོའི་ཁོར་ཡུག་ལ་སྦག་བཙོག་བཟོ་བ་སོགས་ཁྱིམ་ཚང་རང་རང་སོ་སོའི་ས་ནས་བཀག་སྡོམ་ནན་པོ་བྱས་ན་སྤྱི་པའི་ཁོར་ཡུག་གཙང་མར་བསྒྱུར་ཐུབ།” ཞེས་གསུངས་པ་བཞིན། ཁོར་ཡུག་དང་སྐྱེ་ཁམས་ལ་སྲུང་སྐྱོབ་མ་བྱས་ན། ཁ་སང་དེ་རིང་ས་འགུལ་རྒྱུག་པ་དང་། མཚོ་མོ་འཕྱུར་ནས་ཆུ་ལོག་རྒྱུག་པ། མཛེས་པའི་རྩྭ་ཐང་གི་ཁ་མདོག་རིམ་བཞིན་འགྱུར་དེ་བྱེ་ཐང་དུ་གྱུར་བ། རྩྭ་ཁ་ཇེ་ངན་དུ་འགྲོ་བ། ན་ཆུ་དང་མཚེའུ། ཆུ་ཕྲན་བསྐམས་པ་སོགས་ནི་ཁོར་ཡུག་ལ་གནོད་པ་ཚབ་ཆེན་གཏོང་བས་ཡིན་པ་ཤ་སྟག་སྟེ། དཔེར་ན། གསེར་བརྐོ་བ། ཨར་འདམ་བཟོ་གྲྭ། རྡོ་སྣུམ་བཟོ་གྲྭ། རྡོ་སོལ་བསྲེགས་ས་བཅས་ཀྱི་དུག་རླུང་དང་། དེ་དག་བཟོ་བའི་སླད་དུ་རི་ཆེན་མང་བོ། ཡང་ན་རི་ཆེན་རེའི་རི་རྒྱུད་བརྐོ་བ། བཟོ་གྲྭ་རེའི་ལས་ཀ་གཏན་ལ་ཁེལ་ཆེད་དུ་གནམ་གཤིས་འཐིབ་དུས་མེ་སྒྱོགས་འཕང་ནས་སྤྲིན་ནག་གཏོར་བ་བཅས། རང་བྱུང་ངམ་རང་བཞིན་གྱི་ངོ་བོ་བསྒྱུར་ཏེ་གནོད་པ་ཚབས་ཆེན་བཟོ་བཞིན་ཡོད་པ་ཤེས་གསལ་ལྟར་ཡིན། དེ་ན་གནོད་པ་མི་གཏོང་ན་ཧ་ཅང་གི་འགྲིག་པ་དང་གནོད་པ་གཏོང་ན་འཇིགས་སྣང་དེ་དག་དང་ཕམ་ཁ་དེ་དག་ང་ངམ་ཤུགས་ཤུགས་ཀྱིས་ཡོང་བར་ཤེས་ན་ཁོར་ཡུག་གི་རིན་ཐང་དང་སྐྱེ་འགྲོ་ཡོངས་ལ་དགོས་མཁོ་སྐོང་གི་ཡོད་པས་གནོད་པའམ་འབག་བཙོག་གི་གནས་ལས་སྐྱོབ་པའམ་སྲུང་དགོས།

ཡང་ཁོར་ཡུག་གི་མཛེས་ལྗོངས་ལ་གནོད་པ་མ་ཟད། ས་བཅུད་ཉམས་པ་དང་། གནམ་གཤིས་ཀྱི་ཚ་གྲང་རང་སར་གནས་མ་ཐུབ་པའི་འགྱུར་ལྡོག་གིས་ཆར་ཆུ་དུས་སུ་མི་འབབ་པ། ཆར་ལོག་དང་། ཆུ་ལོག ས་ཡོམ་སོགས་འབྱུང་བཞིའི་གནོད་པ་ཡོང་བའི་རྩ་བ་ཡིན་པར་ཚན་རིག་མཁས་པ་མང་པོས་ངོས་འཛིན་གཅིག་གྱུར་བྱེད་བཞིན་ཡོད་པས། རང་དོན་རང་གཅེས་ཀྱིས་རང་རང་སོ་སོའི་ཁོར་ཡུག་ལ་སྲུང་སྐྱོབ་གཟབ་ནན་བྱེད་རྒྱུ་གལ་ཆེ། ཞེས་གསུངས་པ་བཞིན་ནོ།། མདོར་ན་དང་པོ་ཁོར་ཡུག་སྲུང་སྐྱོབ་བྱེད་དགོས་པའི་གནས་ལུགས་ཤེས་དགོས། གཉིས་ནས་ལ་ལུང་ཁོར་ཡུག་ལ་དགའ་དགོས། གསུམ་ནས་རང་ནུས་ཅི་ལྕོགས་ཀྱིས་སྲུང་དགོས་པ་གལ་ཆེན་པོ་ལགས།

ཤ་བ་སེར་ཆེན།

འགྲེལ་བརྗོད།

ཤ་བ་སེར་ཆེན། ཤ་བ་སེར་ཆེན་རིགས་གཉིས་ཡོད་པའི་ནང་ནས་དབྱིན་སྐད་དུ་ Sika Deer ཟེར་བ་དེ་རེད། མདོ་ལྷོ་དང་རྔ་བའི་ཕྱོགས་སུ་ཡོད། བརྙན་འདི་ ༢༠༡༧།༡༠ ནང་གི་བརྙན་རེད།

གཙོད་བདའ་བ།

དེ་རིང་༢༠༡༧/༡༠/༦ ཉིན་སྤྱི་ཚོགས་དྲ་ལམ་ཁག་ཏུ་གནས་ཚུལ་ཁྱབ་པ་ཡིན། རྨ་འབྲི་རྫ་གསུམ་གྱི་འབྱུང་ཁུངས་ཨ་ཆེན་གངས་རྒྱབ་ཀྱི་རང་བྱུང་སྲུང་སྐྱོབ་ས་ཁུལ་དུ་མི་གཉིས་ཀྱིས་ཁྲིམས་འགལ་གྱི་སྒོ་ནས་རླངས་འཁོར་ཨང་རྟགས་ 沪B.YH156 དང་་苏D. A5H17 འཁོར་ནས་གང་བྱུང་དུ་གཙོད་བདའ་ཡོད་པ་དང་། རྗེས་སུ་མི་དེ་གཉིས་ཉེན་རྟོག་བཟུང་འདུག

 

ཕ་ཝང་།

འགྲེལ་བརྗོད།

བྱ་མ་བྱིའུ་ལ་ཕ་ཝང་ཡང་ཟེར། བྱ་མ་བྱིའུ་ཡི་ལུས་དབྱིབས་ཙི་གུ་དང་འདྲ་ཞིང་རྐང་ལག་བར་ན་སྐྱི་མོའི་གཤོག་པ་ལྟ་བུ་ཡོད་པར་བརྟེན་ནས་འཕུར་ཐུབ་པའི་སྲོག་ཆགས་ཤིག་ཡིན་ལ། སྲོག་ཆགས་རིག་པའི་དབང་དུ་བྱས་ན་འོ་འཐུང་སྲོག་ཆགས་ཀྱི་ཁོངས་སུ་གཏོགས་པ་ཡིན། གཙོ་བོར་མཚན་མོར་འཕུར་ནས་མི་ལ་གནོད་པའི་དུག་སྦྲང་སོགས་བཟུང་ནས་ཟ་བ་དང་།
བྱ་མ་བྱིའུ་ཡི་རིལ་མ་ནི་གཏེར་རྡོ་ལ་བརྩི་ཞིང་ཕ་ཝང་རིལ་མ་ཟེར།

བྱ་མ་བྱིའུ་ལ་སོ་དང་གཤོག་པ་གཉིས་ལྡན་ཤིང། མིང་གི་རྣམ་གྲངས་ལ་ཕ་ཝང་དང་། ཁྱིམ་དུ་འགྲོ། པགས་པའི་འདབ་ཆགས། པགས་བྱིའུ། བྱ་རོག་དགྲ་བོ། མཚན་དུས་རྒྱུ། གཞན་དུ་ཕྱོགས་བཅས་ཟེར།
བོད་ཀྱི་ས་ཁུལ་མང་པོ་ན་མཐོང་རྒྱུ་ཡོད།

རྩི་ཤིང་གི་ལོ་མ་བཤད་པ།

ལོ་མ་ནི་རྩ་ཤིང་གི་བཅུད་རྫས་བཟོ་ས་དང་སྲོག་ཆགས་ལ་དགོས་པའི་མཁའ་དབུགས་གཙང་སེལ་བྱེད་ས་ཞིག་དང་། རྩི་ཤིང་གི་དབང་བོ་གལ་ཆེན་ཞིག་ཡིན།  ལོ་མའི་རིགས་ལ་ཀོ་བ་ཇི་བཞིན་མཉེན་ཆ་ཡོད་པའི་ལོ་མ་ལ་ཀོ་རྒྱུའི་ལོ་མ་ཟེར་ཤིང་། ལོ་མ་སྲབ་ལ་མཉེན་པ་ཤོག་གུ་ལྟ་བུ་ལ་ཤོག་རྒྱུའི་ལོ་མ་ཟེར། ལོ་མ་ལྷེབ་ལྷེབ་རྒྱས་ལ་མཐུག་པ་དང་ཁུ་བ་མང་བའི་རིགས་ལ་ཤ་རྒྱུའི་ལོ་མ་ཟེད། ལོ་མ་ལ་སྤྱིར་བཏང་ལོ་མའི་རྐང་དང་། ཞབས་སྟེགས་ལོ་མ། ལོ་ལྷེབ་བཅས་ཁག་གསུམ་ཚུད་ཡོད།

གཤམ་གྱི་པར་རིས་འདི་དག་ ༡༩༧༣ ལོར་བོད་རང་སྐྱོང་ལྗོངས་གསར་བརྗེ་ཨུ་ཡོན་ལྷན་ཁང་གི་འཕྲོད་བསྟེན་ལས་ཁུངས་ཀྱིས་སྤེལ་ཞིང་། སྐབས་དུས་འབྲེལ་སྒྲ་ལྔ་ཡི་ཚབ་ལ་གི་སྒྲ་གཅིས་གིས་བཙན་གྱིས་འཐུས་བར་བྱེད་པའི་དུས་ཡིན་པས་འབྲེལ་སྒྲའི་གནས་བབས་མཁྱེན་པར་མཛོད།

 

ལོ་མའི་རྐང་།

ལོ་མའི་རྐང་ནི་ལོ་མ་དང་སྡོང་བོ་གཉིས་འབྲེལ་མཐུད་བྱེད་པའི་ཆ་ཤས་ཤིག་སྟེ། དབྱིབས་ཀ་རིལ་ཕྱེད་གཤགས་བྱས་ཡོད་པ་དང་འདྲ།


ལོ་མའི་ཞབས་སྟེགས།

ལོ་མའི་རྐང་གི་ཕྱི་ལ་ལོ་མ་འདྲ་བ་ཞིག་སྐྱེས་ཡོད། ལ་ལ་དུས་ཡུན་གང་མཚམས་རྗེས་སུ་རང་བཞིན་ཀྱི་གོག་འགྲོ་བ་ཡིན། དེ་ལ་ལོ་མའི་ཞབས་སྟེགས་དང་། ཡང་ན་ཞབས་སྟེགས་ལོ་མ་ཟེར། ཞབས་སྟེགས་ལོ་མ་ཁ་ཤས་ལོ་མ་དང་མཉམ་དུ་སྐྱེས་ནས་གྲི་ཤུབ་འདྲ་བའི་དབྱིབས་ཆགས་ཡོང་།


ལོ་ལྷེབ།

ལོ་ལྷེབ་ནི་ལོ་རྐང་གི་སྟེང་དུ་སྐྱེས་ཡོད་པའི་སྲབ་ལ་མཉེན་པའི་དངོས་པོ་ལྗང་ཁུ་དེ་ལ་ཟེར་ཤིང་། ལོ་ལྷེབ་ལ་དབྱིབས་དང་རྣམ་པ་འདྲ་མིན་སྣ་ཚོགས་ཡོད། རྒྱུན་དུ་མཐོང་བའི་ལོ་ལྷེབ་ཀྱི་དབྱིབས་ ༡༥ གཤམ་གསལ།

༡་ ཁབ་དབྱིབས། ༢་ སྐུད་དབྱིབས། ༣་ འཇོང་དབྱིབས། ༤་སྙུང་ལེབ་དབྱིབས། ༥་ སྙིང་དབྱིབས། ༦་ སྒོ་ངའི་དབྱིབས། ༧་ སྒོ་ང་མགོ་མཇུག་ལོག་པའི་དབྱིབས། ༨་ མཁའ་རིལ་དབྱིབས། ༩་ ཁེམ་བུའི་དབྱིབས། ༡༠་ ཐི་ཆེན་[རྒྱ་?]གི་དབྱིབས། ༡༡་ གཟེ་མ་ར་མགོའི་དབྱིབས། ༡༢་ ཕུབ་དབྱིབས། ༡༣་ མངའ་རྩེའི་དབྱིབས། ༡༤་ ཟུར་གསུམ་དབྱིབས། ༡༥་ མདུང་རྩེའི་དབྱིབས།


རྐྱང་ལོ་དང་མང་ལོ།

རྐྱང་ལོ་ནི་ལོ་རྐང་གཅིག་གི་སྒང་ལ་ལོ་ལྷེབ་གཅིག་ལས་མེད་པ་དེ་ལ་རྐྱང་ལོ་ཟེར་ཞིང་། ལོ་རྐང་གཅིག་གི་སྟེང་དུ་ལོ་ལྷེབ་གཉིས་དང་ཡང་ན། གཉིས་ཡན་ཆད་སྐྱེས་ཡོད་པ་དེ་ལ་མང་ལོ་ཟེར་བ་ཡིན། མང་ལོའི་རྐང་ལ་སྤྱིའི་ལོ་རྐང་དང་ཡང་ན་ལོ་མའི་འཁོར་རྟེན་ཡང་ཟེར།

 


ལོ་མའི་རྩ་རིས།

ལོ་མའི་སྟེང་དུ་ཁྲག་རྩ་ལྟར་མངོན་གསལ་དོད་པོའི་མཐོང་ཐུབ་པ་དེ་ཚོ་ལ་ལོ་མའི་རྩ་རིས་ཟེར། དེའི་ནང་ནས་ལོ་མའི་རྐང་ནས་རྩེ་མོའི་བར་དུ་རྒྱུ་བའི་རྩ་རིས་དེ་ལ་གཅོ་བོའི་རྩ་རིས་དང་། ཡང་ན་དཀྱིལ་གྱི་རྩ་རིས་ཟེར། གཙོ་བོའི་རྩ་རིས་ཀྱི་ཡན་ལག་གི་ཟུར་དུ་སྐྱེས་པ་ལ་ཟུར་གྱི་རྩ་རིས་ཟེར། ཟུར་གྱི་རྩ་རིས་ཀྱི་ཡན་ལག་དེ་དག་ལ་ཕྲ་བའི་རྩ་རིས་ཟེར། ལོ་མའི་རྩ་རིས་དེ་སྤྱིར་བཏང་ཆགས་སྟངས་མི་འདྲ་བའི་རྐྱེན་གྱིས་བཟོ་དབྱིབས་ཀྱང་རིགས་མི་འདྲ་བ་མང་།

 


ལོ་མའི་རྩེ།

 


ལོ་མའི་སྨད།

 


ལོ་མའི་མཐའ།

 


ཤིང་མངར།

ཤིང་མངར་ནི། ལོ་མང་སྐྱེ་བའི་ལྡུམ་བུའི་རིགས་ཀྱི་སྐྱེ་དངོས་ཤིག་ཡིན། རྩ་བ་སེར་སྐྱ་ཤིང་ལྟར་གྱོང་བ་ནང་དུ་རྩ་རིས་ཡོད་པར་རྩྭ་ཕྲན་གྱེས་ཤིང་སྐྱེ་གནས་དབང་གིས་སྦོམ་ཕྲ་དང་སྲ་སྙིང་སྣ་ཚོགས་ཡོད། སྡོང་པོ་ཕྲ་ལ་གྱོང་བ་མདོག་ལྗང་སེར་ལ་ཡལ་ག་འདྲོང་པོར་གྱེས་པ། ལོ་མ་ལྗང་ལ་མཐུག་པ་འོད་མདངས་རྒྱས་ཤིང་སྤུ་དཀར་ཐུང་ཐུང་ཡོད་པ་ངར་པ་ཐུང་བ་རེ་རེས་མོས་སུ་སྐྱེ་ལ། མེ་ཏོག་དམར་སྐྱ་སྲན་མའི་མེ་ཏོག་གི་དབྱིབས་འདྲ་བ་ཡལ་གའི་མཚམས་ནས་འཆར་ཞིང་གང་བུ་ཤུ་མོའི་ཟའི་གང་བུ་འདྲ་ལ་ནང་དུ་འབྲུ་གུ་སྔོ་ཁྲ་བརྒྱད་དགུ་ཙམ་ཡོད།

སྨན་དུ་དགོས་པ་རྩ་བ་སྐམ་པོ་རིང་ཐུང་དང་སྦོམ་ཕྲ་ཅི་རིགས་འབྱུང་ཞིང༌། ངོ་བོ་མཁྲེགས་ལ་ལྕི་བ་བཀན་ན་ཆག་སླ་བ། ཕྱི་ངོས་རྫ་དམར་མདོག་གམ་ཁམ་སྐྱ། སུལ་རིས་ཞིབ་མོ་དང་ཡལ་ཕྲན་གོག་ཤུལ་ཡོད། བཅད་ཁ་དཀར་སེར་ཕྱི་ནང་རིམ་པའི་འཁོར་རིས་ཡོད། སྐྱེ་གནས་ཀྱི་དབང་གིས་ཤིང་མངར་ཕོ་མོ་མ་ནིང་གསུམ་དུ་དབྱེ་བ་ལས་གཞན་སྐྱེ་དབྱིབས་སོགས་མཚུངས།

མདོ་སྨད་ཕྱོགས་དང་། སོག་པོ་སོགས་སྐམ་ཤས་ཆེ་བའི་རྩྭ་ཐང་དང༌། ཆུ་རྒྱུད་ཀྱི་བྱེ་ཐང་ཞིང་མུ་སོགས་སུ་སྐྱེ་བ་མང༌། རྩ་བ་བོད་ཟླ་བརྒྱད་པའི་ནང་བཏུས་ཏེ་གཙང་མ་བཀྲུས་རྗེས་ཁཎྜ་བཟོ་རྒྱུ་དང༌། དེ་མིན་གཙང་མ་བཟོས་ཐོག་བསྐམས་ནས་སྨན་དུ་སྤྱོད་ཆོག རོ་མངར་བ། ཞུ་རྗེས་མངར་བ། ནུས་པ་སྙོམས་པས་གློ་བའི་ནད་དང༌། རྩའི་ནད། གྲེ་བར་ཐོར་པ་བྱུང་བ་སེལ་ཞིང་གློ་ཚད་དང༌། སྐད་འགགས་པ། སྐོམ་དད་སོགས་ལ་ཕན་པ་ཡིན།

ནུས་ཤུགས་གྲོན་ཆུང་།

ནུས་ཤུགས་གྲོན་ཆུང་བྱེད་པ་ནི་སའི་གོ་ལར་ཕན་པ་ཁོ་ན་མ་ཡིན་པར་སྒེར་གྱི་སྒོར་མོ་གྲོན་ཆུང་བྱེད་པར་ཡང་ཕན།

ཚ་གློག

ཁང་པའི་ནང་གི་ཚ་གློག་གི་དྲོད་ཚད་དམའ་རུ་བཏང་ན 1.5OC (3 OC) དེས་ལོ་གཅིག་གི་ CO2 ཏོན་གཅིག་ཉུང་དུ་གཏོང་ཐུབ།

འཁྱིལ་གློག

འཁྱིལ་གློག་གྱི་གློག་ཐོ་བེད་སྤྱོད་བཏང་བ་ཡིན་ན་རྒྱུན་ལྡན་གྱི་གློག་ཐོ་ལས་གློག་རྒྱ་ཆ་75%་གྲོན་ཆུང་བྱེད་པས་ནུས་ཤུགས་གྲོན་ཆུང་བྱེད་པར་ཕན་པ་ཤིན་ཏུ་ཆེ།

 

འཁྱགས་སྒམ།

འཁྱགས་སྒམ་རྙིང་བ་ལས་གསར་པ་བེད་སྤྱོད་བྱེད་དགོས། དེང་སང་གི་འཁྱགས་སྒམ་གསར་པའི་འཕྲུལ་འཁོར་གཙོ་བོ་སྟེ་གློག་འདོན་འཕྲུལ་འཁོར་རྣམས་ཀྱིས་འཁྱགས་སྒམ་རྙིང་བ་ཞིག་གི་ལོ་གཅིག་གི་ CO2 ཏོན་ཕྱེ་ཀ་ཉུང་དུ་གཏོང་ཐུབ།

 

 

ས་གནས་རང་གི་བཟའ་ཆ།

ས་གནས་རང་ནས་ཐོན་སྐྱེད་བྱས་པའི་དུས་ཚུགས་ཅན་གྱི་བཟའ་ཆས་ཉོ་བ་དང་བཟའ་གོམས་བྱས་པ་ཡིན་ན། ས་ཐག་རིང་ཞིག་ནས་གཟའ་ཆ་སྐྱེལ་འདྲེན་བྱེད་མི་དགོས་པ་མ་ཟད། དྲོད་ཁང་གི་ཚ་དྲོད་ལ་བརྟེན་ནས་སྐྱེས་པའི་དུས་ངེས་མེད་ཀྱི་བཟའ་ཆས་ཐོན་སྐྱེད་བྱེད་མི་དགོས་པས་ནུས་ཤུགས་གྲོན་ཆུང་བྱེད་ཐུབ་པ་ཡིན།

 

རླངས་འཁོར།

རླངས་འཁོར་ཉོ་ན་ Hybrid གློག་འདོན་འཕྲུལ་འཁོར་ཅན་ཉོ་དགོས། དེ་ལ་སྣུམ་མང་པོ་མི་དགོས་པས་རྡོ་སྣུམ་གྲོན་ཆུང་བྱེད་པ་དང་། རྡོ་སྣུམ་སྒྲོན་རྗེས་ཀྱི་ CO2 ནག་རྫས་ཉུང་དུ་གཏོང་བས་གནམ་གཤིས་ཚ་འགྱུར་སྔོན་འགོག་ལ་ཤིན་ཏུ་ཕན་པ་ཡིན། རླངས་འཁོར་གཅིག་མི་མང་པོས་ཕན་ཚུན་གཡར་བ་དང་། མཉམ་སྤྱོད་བྱེད་པ། ཡང་ན་ལམ་ཐག་ཉེ་སར་རྐང་ཐང་ལ་འགྲོ་བ་སོགས་ཀྱིས་ནུས་ཤུགས་གྲོན་ཆུང་བྱེད་ཐུབ། འཁོར་ལོ་རྣམས་ལ་རྒྱུན་དུ་ཕུད་གང་རེ་རྒྱབ་ན་རླངས་འཁོར་རྒྱུག་བདེ་བས་དེས་ཡང་སྣུམ་གྲོན་ཆུང་བྱེད་ཐུབ་པ་ཡིན།

ནུས་ཤུགས་གྲོན་ཆུང་གི་བརྡ་ཆད།

བོད་སྐད།དབྱིན་སྐད།རྒྱ་ནག་སྐད།
ནུས་ཤུགས།energy能量
ཚ་གློགheater加热器
གྲང་གློགair conditional空调
ཏོན། (1,000 kg སྤྱི་རྒྱ་༡༠༠༠)tonnes
འཁྱགས་སྒམ།refrigerator 冰箱
གློག་འདོན་འཕྲུལ་འཁོར།motor发动机
འཁྱིལ་གློགspiral light螺旋灯
དུས་ཚུགས་ཅན་གྱི་བཟའ་ཆ།seasonal food季节性食物
དྲོད་ཁང་།green house温室
རླངས་འཁོར།vehicle 
དབྱང་རླུང་གཉིས་ལྡན།CO2二氧化碳
ཧེ་བྷིར། ནུས་པ་གཉིས་བརྟེན་གྱི་རླངས་འཁོར།Hybrid car混合动力汽车